სტანდარტული ოთახი

სასტუმრო „ქარვასლა“ გთავაზობთ მყუდრო, სტანდარტული კატეგორიის ოთახებს, სადაც განთავსებულია Queen ზომის (152 × 202 სმ) საწოლი. ამ კატეგორიის ზოგიერთი ნომერი გადაჰყურებს ისტორიულ ქუჩას, სადაც მდებარეობს ხალიჩების ძველებური მაღაზია.

ხედი მოგაგონებთ შუა საუკუნეების პერიოდის გაცხარებულ ვაჭრობას - დროს, როდესაც თბილისი საერთაშორისო ვაჭრობის ცენტრი იყო აბრეშუმის გზის ვაჭართათვის. სპარსული ხალიჩების ყიდვა-გაყიდვის ხელოვნება 2 500 წელს ითვლის. სწორედ ასეთ ძველებურ და ტრადიციულ ხალიჩებს დაინახავთ თქვენი ოთახის თაღოვანი ფანჯრებიდან.

სხვა სტანდარტული Queen ოთახების ფანჯრები კი იყურება ლესელიძისაკენ, რომელიც ერთ-ერთ ყველაზე პოპულარულ ტურისტულ ქუჩას წარმოადგენს.

ოთახებისა და მთლიანად სასტუმროს დიზაინი შექმნილია პროფესიონალი დიზაინერების მიერ. გათვალისწინებულია ისტორიული შენობის ძველი სტილი. უზარმაზარი ჭაღი, რომელიც სასტუმროს შემოსასვლელში დაგხვდებათ, ხელით შექმნილია და მასში დაინახავთ როგორც წარსულის ანარეკლს, ისე თანამედროვე, 21-ე საუკუნის დეტალებს.

ზოგიერთ ოთახს გააჩნია თაღოვანი ფანჯრები. ისინი გაგახსენებთ ძველებურ ნაგებობებს შუა შაუკუნეებიდან, როდესაც ასეთი დიზაინი ყველაზე მეტად იყო აქტუალური.

სტანდარტული ოთახები Queen ზომის საწოლით ძალიან მყუდრო და კომფორტულია. 6 ოთახი გადაჰყურებს ხალიჩების მაღაზიას, ხოლო ორი - ლესელიძის ქუჩას. ოთახების ფართობია 17-18 მ2. ისინი მდებარეობს პირველ და მეორე სართულებზე. ზოგიერთ მათგანს აქვს თაღოვანი ფანჯრები დასასხდომი კომფორტული რაფებით. ზოგიერთ ოთახში კი დაგხვდებათ აგურის კედლები.

სტანდარტულ ოთახებში არის ერთი Queen ზომის საწოლი, პატარა მაცივარი, ტელევიზორი, მაგიდა და სკამი.